മുംബൈ: 2020 ഐപിഎല് സീസണിന് മുന്നോടിയായുള്ള താരലേലത്തില് 332 താരങ്ങളെ ഉള്പ്പെടുത്തി പട്ടിക പുറത്തിറക്കി. 997 താരങ്ങളാണ് ഐപിഎല് ലേലത്തില് പങ്കെടുക്കാന് രജിസ്റ്റര് ചെയ്തിരുന്നത്. എട്ട് ഫ്രാഞ്ചൈസികള് സമര്പ്പിച്ച ചുരുക്കപട്ടിക പ്രകാരം അന്തിമ പട്ടികയില് 332 കളിക്കാര് ഉള്പ്പെടുകയായിരുന്നു. ഇവര്ക്കായുള്ള താരലേലം ഡിസംബര് 19ന് കോല്ക്കത്തയില് നടക്കും.
രണ്ടു കോടി അടിസ്ഥാന വിലയുള്ള ഏഴ് താരങ്ങളാണ് ചുരുക്കപട്ടികയില് ഉള്പ്പെട്ടിരിക്കുന്നത്. ഇവരെല്ലാം വിദേശ താരങ്ങളാണ്. 1.5 കോടി അടിസ്ഥാനവിലയുള്ള 10 താരങ്ങളില് റോബിന് ഉത്തപ്പ മാത്രമാണ് ഇന്ത്യന് താരം. ഒരു കോടി അടിസ്ഥാനവിലയുള്ള 23 താരങ്ങള് ലേലത്തിലുണ്ട്. ഇവരില് മൂന്ന് പേര് ഇന്ത്യക്കാരാണ്.
സച്ചിന് ബേബി, വിഷ്ണു വിനോദ്, ജലജ് സക്സേന തുടങ്ങിയ കേരള രഞ്ജി താരങ്ങളും താരലേലപട്ടികയില് ഇടംപിടിച്ചിട്ടുണ്ട്.