തിരുവനന്തപുരം: ബിനോയിയുമായുള്ള ബന്ധം തെളിയിക്കുന്ന രേഖകള് തന്റെ കൈവശമുണ്ടെന്ന് ബിഹാര് സ്വദേശിനിയുടെ പരാതിയില് നേരത്തെ അവകാശപ്പെട്ടിരുന്നു. കുട്ടിയുടെ പിതൃത്വം സംബന്ധിച്ച് തര്ക്കം ഉയര്ന്ന സാഹചര്യത്തില് ഡി എന് എ പരിശോധനയ്ക്ക് പോലീസ് ഒരുങ്ങാന് സാധ്യതയുണ്ടെന്നും റിപ്പോര്ട്ടുണ്ട്.
മുംബൈ ഓഷിവാര പോലീസ് ബിനോയിയെ ഫോണില് ബന്ധപ്പെട്ട് മൂന്നു ദിവസത്തിനുള്ളില് ചോദ്യംചെയ്യലിന് ഹാജരാകാന് ആവശ്യപ്പെട്ടതായാണ് റിപ്പോര്ട്ട്. അതിനിടെ ബിനോയ് കോടിയേരി മുന്കൂര് ജാമ്യത്തിന് ശ്രമിക്കുന്നതായും സൂചനയുണ്ട്.
യുവതിയുടെ പരാതിയില് മുംബൈ പോലീസ് തെളിവുകള് ശേഖരിച്ചുകൊണ്ടിരിക്കുകയാണ്. പരാതിക്കാരിയുടെ കൈവശമുണ്ടെന്ന് അവകാശപ്പെടുന്ന ഡിജിറ്റല് തെളിവുകള് പോലീസ് പരിശോധിക്കും. ബിനോയിയുമായുള്ള വാട്ട്സ് ആപ്പ് സന്ദേശങ്ങളാണ് ഇതില് പ്രധാനം. കൂടാതെ ഫോട്ടോകള് അടക്കമുള്ള തെളിവുകളും യുവതിയുടെ കൈവശമുണ്ട്.