തിരുവനന്തപുരം : സംസ്ഥാനത്തെ റേഷന് വ്യാപാരികള് ഇന്ന് മുതല് അനിശ്ചിതകാല സമരത്തില്. വ്യാപാരികള്ക്കും സെയില്സ്മാനും മിനിമം വേതനം അനുവദിക്കുക, റേഷന് കമ്മീഷന് കുടിശ്ശിക ഉടന് വിതരണം ചെയ്യുക, വെട്ടിക്കുറച്ച റേഷന് ക്വാട്ട പുനഃസ്ഥാപിക്കുക, ബി.പി.എല് ലിസ്റ്റിലെ അപാകത പരിഹരിക്കുക, പുതുക്കിയ കാര്ഡ് വിതരണം ചെയ്യുക തുടങ്ങിയ ആവശ്യങ്ങള് ഉന്നയിച്ചാണ് സമരം. റേഷന് വ്യാപാരരംഗം തകര്ക്കുന്ന കേന്ദ്ര-സംസ്ഥാന സര്ക്കാറുകളുടെ നിലപാടില് പ്രതിഷേധിച്ചാണ് സമരമെന്ന് ഓള് കേരള റീട്ടെയില് റേഷന് ഡീലേഴ്സ് അസോസിയേഷന് ഭാരവാഹികള് അറിയിച്ചു.
അസോസിയേഷന് പുറമെ റേഷന് ഡീലേഴ്സ് ഓര്ഗനൈസേഷന്, കേരള സ്റ്റേറ്റ് റേഷന് ഡീലേഴ്സ് അസോസിയേഷന് എന്നിവര് അടങ്ങിയ സംയുക്ത സമര സമിതിയാണ് സമരം നടത്തുന്നത്. സമരക്കാര് ഇന്ന് താലൂക്ക് സപൈ്ള ഓഫിസുകള്ക്ക് മുന്നില് ധര്ണ നടത്തും. 88 ലക്ഷം കാര്ഡുടമകള് ഉള്ള കേരളത്തില് ഭക്ഷ്യസുരക്ഷാനിയമം നടപ്പാക്കുമ്ബോള് 28 ലക്ഷം പേര്ക്കേ അര്ഹതയുണ്ടാകൂ. 60 ലക്ഷം പേര് പുറത്തുപോകുന്നത് തങ്ങളുടെ തൊഴില്സുരക്ഷ ബാധിക്കുമെന്ന് റേഷന്കട ഭാരവാഹികള് പറഞ്ഞു.