വാഹനപ്രേമികളുടെ പ്രിയ കാര് മോഡലുകളായ മാരുതി, ഫോക്സ്വാഗണ്, ടാറ്റ, മഹീന്ദ്ര തുടങ്ങിയ കമ്ബനികളുടെ ചെറുകാറുകള് ഡീസല് എന്ജിനോട് വിട പറയുകയാണ്. പെട്രോള്, സിഎന്ജി എന്ജിനുകളില് മാത്രമായിരിക്കും ഇത്തരം കാറുകള് ഇനി കാണാന് സാധിക്കുക. പ്രകൃതിക്ക് അനുയോജ്യമായ ഇന്ധനങ്ങള്ക്ക് പ്രധാന്യം നല്കുന്നതിനൊപ്പം ബിഎസ്-6 എന്ജിന്റെ നിര്മാണചിലവ് കൂടി കണക്കിലെടുത്താണ് ഈ തീരുമാനമെന്നാണ് റിപ്പോര്ട്ടുകള്. വാഹനങ്ങള് ബിഎസ്-6 നിലവാരത്തിലേക്ക് മാറ്റാന് ഏകദേശം 1.5 ലക്ഷം രൂപയാണ് ചെലവ്. എന്നാല് ബിഎസ്-6 പെട്രോള് എന്ജിന് നിര്മ്മിക്കാന് വെറും 30,000 രൂപ മതിയാകും.ഭാവിയില് പെട്രോള്, സിഎന്ജി എന്ജിനുകളില് മാത്രമേ ചെറുകാറുകള് പുറത്തിറക്കൂവെന്ന് മാരുതി മുൻപ് തന്നെ പ്രഖ്യാപിച്ചിരുന്നു. ഫോഗ്സ് വാഗണും ഇക്കാര്യം വ്യക്തമാക്കിയിരുന്നു.