കോഴിക്കോട്: കോണ്ഗ്രസ് അധ്യക്ഷന് രാഹുല് ഗാന്ധി വയനാട്ടില് മത്സരിക്കാതിരിക്കാന് ഒരു പ്രമുഖ പാര്ട്ടി ഡല്ഹി കേന്ദ്രീകരിച്ച് പ്രവര്ത്തിക്കുന്നുണ്ടെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. സ്ഥാനാര്ഥിത്വത്തില് അന്തിമതീരുമാനം എടുക്കേണ്ടത് രാഹുല് ഗാന്ധിയാണ്. വയനാട് സ്ഥാനാര്ഥിയെ പ്രഖ്യാപിക്കുന്നത് വൈകില്ലെന്നും മുല്ലപ്പള്ളി പറഞ്ഞു.
കോഴിക്കോട് എലത്തൂരില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. അന്തര്നാടകങ്ങളെ കുറിച്ച് വരും ദിവസങ്ങളില് വ്യക്തമാക്കും. രാഹുലിന്റെ സ്ഥാനാര്ഥിത്വത്തില് ഉമ്മന്ചാണ്ടിയുടെ അഭിപ്രായത്തെക്കുറിച്ച് അറിയില്ലെന്നും മുല്ലപ്പള്ളി പറഞ്ഞു.
മുഖ്യമന്ത്രിക്കും കോടിയേരി ബാലകൃഷ്ണനും അന്തമായ കോണ്ഗ്രസ് വിരോധമാണെന്നും മുല്ലപ്പള്ളി ആരോപിച്ചു. വയനാട്ടിലെ സ്ഥാനാര്ഥി പ്രഖ്യാപനത്തില് ഉടന് തീരുമാനമുണ്ടാകുമെന്നും കെപിസിസി അധ്യക്ഷന് കൂട്ടിച്ചേര്ത്തു.