സെക്സ് റാക്കറ്റുമായി ധോണിക്ക് ബന്ധം ?ചിത്രങ്ങള്‍ പുറത്ത്

173

ന്യൂഡല്‍ഹി: സെക്സ് റാക്കറ്റ് തലവനുമായി നിക്കുന്ന ചിത്രം പുറത്തായതോടെ ഇന്ത്യന്‍ ക്രിക്കറ്റ് ടീം ക്യാപ്റ്റന്‍ എം.എസ് ധോണി വിവാദത്തില്‍. സെക്സ് റാക്കറ്റ് തലവനായ മുന്‍ സൈനികന്‍ കേണല്‍ അജയ് അഹ്ലാവത്തിനൊപ്പം ധോണി നിക്കുന്ന ചിത്രങ്ങളാണ് പുറത്തായിരിക്കുന്നത്. മധ്യേഷന്‍ രാജ്യങ്ങളില്‍ നിന്ന് സ്ത്രീകളെ വിദേശത്തേക്ക് കടത്തി സെക്സ് റാക്കറ്റ് നടത്തുന്നുവെന്ന് ആരോപണവിധേയനായ ആളാണ് കേണല്‍ അഹ്ലാവത്. ഇയാളുമായി ധോണി അടുത്ത ബന്ധം പുലര്‍ത്തുന്നതായാണ് റിപ്പോര്‍ട്ട്.അഹ്ലാവത്തിന്റൈ ഫാം ഹൗസിലും മറ്റ് സ്ഥാപനങ്ങളിലും ധോണി സ്ഥിരം സന്ദര്‍ശകനാണ്. 2010ല്‍ ധോണിയുടെ ജന്മദിനം ആഘോഷിച്ചത് അഹ്ലാത്തിന്റെ ഫാം ഹൗസിലായിരുന്നു. ധോണിയുടെ വിവാഹസല്‍ക്കാരം നടത്തിയത് ഇയാളുടെ റിസോര്‍ട്ടിലായിരുന്നു. ചിത്രങ്ങള്‍ പുറത്തുവന്ന സാഹചര്യത്തില്‍ ധോണിയെ പോലീസ് ചോദ്യം ചെയ്തേക്കുമെന്നാണ് റിപ്പോര്‍ട്ടുകള്‍. ധോണിക്ക് പുറമെ കായിക രംഗത്തെ മറ്റ് ചില പ്രമുഖരും അഹ്ലാത്തുമായി അടുത്ത ബന്ധം പുലര്‍ത്തുന്നവരാണ്. ഇവരെയെല്ലാം ചോദ്യം ചെയ്യാന്‍ അന്വേഷണ സംഘം തയ്യാറെടുക്കുകയാണെന്ന് ഡി.സി.പി ഇഷ്വാര്‍ സിംഗ് പറഞ്ഞു. പ്രമുഖ രാഷ്ട്രീയക്കാര്‍ക്കും വ്യവസായികള്‍ക്കും അഹ്ലാവത്ത് എസ്കോര്‍ട്ട് എന്ന പേരില്‍ വിദേശ വനിതകളെ എത്തിച്ചു നല്‍കിയിരുന്നതായും അന്വേഷണത്തില്‍ വ്യക്തമായിട്ടുണ്ട്. സെക്സ് റാക്കറ്റ് നടത്തുന്നുവെന്ന ആരോപണത്തിന് പുറമെ ഇയാള്‍ സ്വര്‍ണ്ണക്കടത്ത് കേസുകളിലും പ്രതിയാണ്