തിരുവനന്തപുരം: ഗന്ധര്വബാധ ഒഴിപ്പിക്കാനെന്ന വ്യാജേന മന്ത്രവാദം നടത്തി യുവതിയെ പീഡിപ്പിക്കാന് ശ്രമിച്ച കേസിലെ പ്രതികള് പിടിയില്. അലത്തറ സ്വദേശിയായ യുവതിയെയാണ് പ്രതികള് മന്ത്രവാദത്തിെന്റ മറവില് മാനഭംഗപ്പെടുത്താന് ശ്രമിച്ചത്. യുവതിയുടെ പിതാവ് അസുഖബാധിതനായി കിടപ്പിലായതിനെതുടര്ന്ന് പരിചയക്കാരനായ സുരേന്ദ്രന് അച്ഛനെ പരിചരിക്കാനും മറ്റുമായി വീട്ടില് സഹായിയായി മാറുകയായിരുന്നു.
ശ്രീകാര്യം ചെറുവയ്ക്കല് അലത്തറ വാറുവിള വീട്ടില് സുരേന്ദ്രന് എന്ന എലുമ്ബന് സുരേഷ് (52), പൗഡിക്കോണം ഉളിയാഴത്തുറ അരുവിക്കരക്കോണം വല്യാട്ടുമഠം വീട്ടില് ഷാജിലാല് (50) എന്നിവരെയാണ് ശ്രീകാര്യം പൊലീസ് അറസ്റ്റ് ചെയ്തത്.യുവതിയുടെ അച്ഛെന്റ അസുഖത്തിന് കാരണവും യുവതിക്ക് വിദേശത്തേക്ക് പോകാന് തടസ്സവുമായി നില്ക്കുന്നതും ഗന്ധര്വബാധയാണെന്നും അത് ഒഴിപ്പിക്കുന്നതിന് അലത്തറ ദേവീക്ഷേത്രത്തിലെ പൂജാരി ഷാജിലാല് സഹായിക്കുമെന്നും പറഞ്ഞ് വിശ്വസിപ്പിക്കുകയായിരുന്നു.
തുടര്ന്ന് ബാധ ഒഴിപ്പിക്കുന്നതിനായി പൂജ നടത്തുന്നതിനിടെ ഇരുവരും ചേര്ന്ന് പീഡിപ്പിക്കാന് ശ്രമിക്കുകയായിരുന്നു. പുറത്തുപറഞ്ഞാല് ദുര്മന്ത്രവാദം ചെയ്ത് നശിപ്പിച്ചുകളയുമെന്ന് ഭീഷണിപ്പെടുത്തുകയും ചെയ്തു.പിന്നീട് രക്ഷാകര്ത്താക്കളെ വിവരമറിയിച്ച യുവതി ശ്രീകാര്യം പൊലീസില് പരാതി നല്കുകയായിരുന്നു. പൊലീസ് അന്വേഷണം ആരംഭിച്ചതറിഞ്ഞ് ഒളിവില് പോയ പ്രതികളെ പിടികൂടുന്നതിനായി സിറ്റി ഡെപ്യൂട്ടി പൊലീസ് കമീഷണര് ഡോ. ദിവ്യ വി. ഗോപിനാഥിെന്റ നിര്ദേശാനുസരണം ശ്രീകാര്യം എസ്.എച്ച്.ഒയുടെ നേതൃത്വത്തില് പ്രത്യേക അന്വേഷണസംഘത്തിന് രൂപം നല്കി നടത്തിയ അന്വേഷണത്തിലാണ് പ്രതികള് പിടിയിലായത്.
ശ്രീകാര്യം എസ്.എച്ച്.ഒ അഭിലാഷ് ഡേവിഡ്, എസ്.ഐ വിപിന് പ്രകാശ്, എസ്.സി.പി.ഒ ബിനു.ജി.എസ്, സി.പി.ഒമാരായ റനീഷ്, റൂബിമോള് എന്നിവരടങ്ങിയ പൊലീസ് സംഘമാണ് അന്വേഷണത്തിനും അറസ്റ്റിനും നേതൃത്വം നല്കിയത്.