മലപ്പുറം: ആര്‍എസ്‌എസിന്‍റെ നിയമം കേരളത്തില്‍ നടപ്പിലാക്കാന്‍ അനുവദിക്കില്ലെന്നും പൗരത്വ ഭേദഗതി നിയമവും ദേശീയ ജനസംഖ്യാ രജിസ്റ്ററും കേരളത്തില്‍ നടപ്പിലാക്കില്ലെന്ന് ആവര്‍ത്തിച്ചു മുഖ്യമന്ത്രി പിണറായി വിജയന്‍. വ്യക്തമാക്കി.
മതനിരപേക്ഷത ഇല്ലാതാക്കി മതാധിഷ്ഠിത രാഷ്ട്രം സൃഷ്ടിക്കാനുള്ള ആര്‍എസ്‌എസിന്‍റെ നയമാണു കേന്ദ്ര സര്‍ക്കാര്‍ നടപ്പാക്കുന്നത്. ഹിറ്റ്ലര്‍ ജര്‍മനിയില്‍ ചെയ്തതാണ് ആര്‍എസ്‌എസ് ഇവിടെ ചെയ്യുന്നത്. ദേശീയ ജനസംഖ്യാ രജിസ്റ്ററും പൗരത്വ രജിസ്റ്ററും തമ്മില്‍ അഭേദ്യമായ ബന്ധമുണ്ട്. പൗരത്വ രജിസ്റ്റര്‍ തയാറാക്കുന്നതിന്‍റെ മുന്നോടിയാണിത്. ഇതു രാജ്യത്തിന്‍റെ നിയമമല്ല. ആര്‍എസ്‌എസിന്‍റെ നിയമമാണെന്നും മുഖ്യമന്ത്രി കുറ്റപ്പെടുത്തി.
ദേശീയ ജനസംഖ്യ രജിസ്റ്റര്‍ സംസ്ഥാനത്തു നടപ്പാക്കാന്‍ ഉദ്ദേശിച്ചിട്ടില്ല. ആര്‍എസ്‌എസിന്‍റെ നിയമം കേരളത്തില്‍ നടപ്പിലാക്കാന്‍ അനുവദിക്കില്ലെന്നും മലപ്പുറത്ത് ഭരണഘടനാ സംരക്ഷണ റാലിയുടെ ഉദ്ഘാടനം നിര്‍വഹിച്ച്‌ സംസാരിക്കവെ മുഖ്യമന്ത്രി പറഞ്ഞു.
