പി.ടി. തോമസ്​ എം.എല്‍.യ്ക്കെതിരെ വിജിലന്‍സ്​ അന്വേഷണം വേണമെന്ന് സി.പി.എം

13

കൊച്ചി: ഇടപ്പള്ളി അഞ്ചുമനയില്‍ പി.ടി. തോമസ്​ എം.എല്‍.എയുടെ സാന്നിധ്യത്തില്‍ വസ്​തുകച്ചവടത്തിനിടെ ആദായ നികുതി വകുപ്പ്​ പണം പിടികൂടിയ സംഭവം വിജിലന്‍സ്​ അന്വേഷിക്കണമെന്ന്​ സി.പി.എം ജില്ല സെക്രട്ടറി സി.എന്‍. മോഹനന്‍ ആവശ്യപ്പെട്ടു. 1998 ജൂലൈയില്‍ രജിസ്​റ്റര്‍ ചെയ്​ത കരാര്‍ പ്രകാരം സ്ഥലം നാല്​ സെന്‍റാണ്​. ഇത്​ വാങ്ങിയ വി.എസ്​. രാമകൃഷ്​ണന്‍ എം.എല്‍.എയുടെ സുഹൃത്താണ്​. ബാങ്കിലൂടെ പണം കൈമാറണമെന്ന കരാര്‍ ലംഘിക്കാന്‍ ഒക്​ടോബര്‍ രണ്ടിന്​ നിര്‍ദേശിച്ചത്​ എം.എല്‍.എയാണെന്നും ഇക്കാര്യത്തില്‍ സി.പി.എം ബ്രാഞ്ച്​ സെക്രട്ടറി ഗിരിജന്‍ നിഷ്​കളങ്കനാണെന്നും മോഹനന്‍ പറഞ്ഞു.

വീട്ടില്‍ കൊണ്ടുവന്ന ഒരു പെട്ടിയിലാണ്​ പണം ഉണ്ടായിരുന്നത്​. 50 ലക്ഷം രൂപ രാമകൃഷ്​ണ​െന്‍റ വെണ്ണലയിലെ വീട്ടില്‍നിന്ന്​ പിടികൂടി. പറഞ്ഞതി​െന്‍റ പകുതി പണം നല്‍കി കരാര്‍ ഒപ്പിടാന്‍ നടത്തിയ ശ്രമമാണ്​ ആദായ നികുതി വകുപ്പി​െന്‍റ ഇടപെടലില്‍ പാളിയത്​.

എം.എല്‍.എയുടെ സാന്നിധ്യത്തില്‍ മേശയിലേക്ക്​ 500 രൂപ കെട്ടുകള്‍ അടങ്ങിയ ബാഗ്​ തുറന്നിട്ടപ്പോഴാണ്​ ഇന്‍കം ടാക്​സ്​ ഉദ്യോഗസ്ഥര്‍ വന്നത്​. ഇതോടെ ഇറങ്ങിയോടിയ രാമകൃഷ്​ണനെ വീട്ടിലുണ്ടായിരുന്നവര്‍ ചേര്‍ന്ന്​ ബലമായി തിരിച്ചുകൊണ്ടുവന്നു. എം.എല്‍.എ തിടുക്കത്തില്‍ സ്ഥലം വിട്ടതാണെന്നും മോഹനന്‍ പറഞ്ഞു.കള്ളപ്പണ ഇടപാടില്‍ പങ്കാളിയായ എം.എല്‍.എയുടെ രാജി ആവശ്യപ്പെട്ട്​ പാര്‍ട്ടി തൃക്കാക്കര മണ്ഡലത്തില്‍ സമരം ആരംഭിക്കും.

1.03 കോടിക്ക്​ ധാരണയായ വസ്​തുകച്ചവടം എം.എല്‍.എ ഇടപെട്ടാണ്​ 80 ലക്ഷമാക്കിയതെന്നും അദ്ദേഹം വാര്‍ത്തസമ്മേളനത്തില്‍ ആരോപിച്ചു.

NO COMMENTS