ഭോപ്പാല്: മധ്യപ്രദേശ് മുഖ്യമന്ത്രിയും കോണ്ഗ്രസ് നേതാവുമായ കമല്നാഥിന്റെ സഹായികളുടെ വീടുകളില് ആദായ നികുതി വകുപ്പിന്റെ റെയ്ഡ് ഇന്നും തുടരുന്നു. കമല്നാഥിന്റെ ഓഫീസര് ഓണ് സ്പെഷ്യല് ഡ്യൂട്ടിയായി പ്രവര്ത്തിച്ചിരുന്ന പ്രവീണ് കക്കഡിന്റെ വീട്ടിലാണ് റെയ്ഡ് നടക്കുന്നത്.
കണ്ടെത്തിയ ആഭരണങ്ങളും രേഖകളും പരിശോധിക്കുകയാണെന്നും ആദായ നികുതി വകുപ്പ് ഉദ്യോഗസ്ഥര് പറഞ്ഞു. മധ്യപ്രദേശിലെ മുന് പോലീസ് ഉദ്യോഗസ്ഥനായ പ്രവീണ് കക്കഡ് കഴിഞ്ഞ ഡിസംബറിലായിരുന്നു കമല്നാഥിന്റെ ഒഎസ്ഡിയായി നിയമിതനായത്.