യുവതിയെ ലൈംഗികമായി പീഡിപ്പിച്ച ശേഷം മൂത്രം കുടിപ്പിച്ചു

162

ബാര്‍മര്‍: രാജസ്ഥാനില്‍ യുവതിയെ ലൈംഗികമായി പീഡിപ്പിച്ച ശേഷം മൂത്രം കുടിപ്പിച്ചു. രാജസ്ഥാനിലെ ബാര്‍മര്‍ ജില്ലാ ആസ്ഥാനത്ത് നിന്ന് 20 കിലോമീറ്റര്‍ മാറിയുള്ള ഗ്രാമത്തിലാണ് സംഭവം. യുവതിയുടെ ബന്ധുക്കളുടെ കൂടി പിന്തുണയോടെയാണ് പീഡനം നടന്നത് എന്നാണ് പോലീസ് പറയുന്നത്. അക്രമി സംഘം യുവതിയുടെ മകളെയും ലൈംഗികമായി പീഡിപ്പിക്കാന്‍ ശ്രമിച്ചു.
വെള്ളിയാഴ്ചയാണ് സംഭവം നടന്നത്. അക്രമികളില്‍ മൂന്ന് പേരെ പോലീസ് അറസ്റ്റ് ചെയ്തു. ബന്ധുക്കളുടെ താല്‍പ്പര്യത്തിന് വിപരീതമായി പതിനാറുകാരിയായ മകളുടെ വിവാഹം നിശ്ചയിച്ചതിനാണ് യുവതിയെ ആക്രമിച്ചത്. യുവതിയെ വഴി തടഞ്ഞ സംഘം അവരുടെ വസ്ത്രങ്ങള്‍ കീറുകയും സ്വകാര്യ ഭാഗങ്ങളില്‍ കമ്പ് കയറ്റുകയും ചെയ്തു. തുടര്‍ന്നാണ് യുവതിയെ ഇവര്‍ മൂത്രം കുടിപ്പിച്ചത്.
ദൃക്‌സാക്ഷികള്‍ വിവരം അറിയിച്ചതനുസരിച്ച്, ആംബുലന്‍സ് എത്തിയെങ്കിലും യുവതിയെയും മകളെയും ആശുപത്രിയിലേക്ക് മാറ്റാന്‍ പോലും അക്രമികള്‍ സമ്മതിച്ചില്ല. പിന്നീട് പോലീസിന്‍റെ സഹായത്തോടെയാണ് യുവതിയെയും മകളെയും ആശുപത്രിയില്‍ പ്രവേശിപ്പിച്ചത്. യുവതിയും മകളും ഇപ്പോള്‍ ബാര്‍മറിലെ സര്‍ക്കാര്‍ ആശുപത്രിയില്‍ ചികിത്സയിലാണ്.