മോഡലിനെ രണ്ടുദിവസം തടവില്‍പാര്‍പ്പിച്ച്‌ കൂട്ടമാനഭംഗം ചെയ്തു.

67

തൃക്കാക്കര: കാക്കനാട് മോഡലിനെ രണ്ടുദിവസം തടവില്‍പാര്‍പ്പിച്ച്‌ കൂട്ടമാനഭംഗം ചെയ്തു. ഡിസംബര്‍ ഒന്ന്, രണ്ട് തീയതികളിലാണ് സംഭവം.

മലപ്പുറം സ്വദേശിനി 27കാരിയുടെ പരാതിയില്‍ ആലപ്പുഴ ആറാട്ടുപുഴ പുത്തന്‍പറമ്ബില്‍ വീട്ടില്‍ സലിന്‍കുമാറിനെ (31) ഇന്‍ഫോപാര്‍ക്ക് പൊലീസ് കസ്റ്റഡിയിലെടുത്തു.

യുവതിക്ക് സലിനുമായി മുന്‍പരിചയമുണ്ട്. സലിന്‍ വിളിച്ചിട്ടാണ് കാക്കനാട് ഇടച്ചിറയിലുളള ക്രിസ്റ്റീന റസിഡന്‍സിയില്‍ എത്തിയത്. അവിടെവച്ച്‌ ശീതളപാനീയത്തില്‍ മയക്കുമരുന്ന് നല്‍കി അര്‍ദ്ധ ബോധാവസ്ഥയിലാക്കി സലിന്‍, ഷെമീര്‍, അജ്മല്‍ എന്നിവര്‍ തടവില്‍പാര്‍പ്പിച്ച്‌ കൂട്ടമാനഭംഗപ്പെടുത്തി യെന്നും ദൃശ്യങ്ങള്‍ മൊബൈലില്‍ പകര്‍ത്തി യെന്നുമാണ് ഇന്‍ഫോപാര്‍ക്ക് പൊലീസില്‍ കൊടുത്ത പരാതിയില്‍ പറയുന്നത്. യുവതിക്ക് ഒരു കുഞ്ഞുണ്ട്. ഭര്‍ത്താവുമായി വേറിട്ടാണ് താമസം.

ഹോട്ടല്‍ ഉടമ ക്രിസ്റ്റീനയെയും പ്രതിയാക്കിയിട്ടുണ്ട്. മൂന്നുപേരും ഒളിവിലാണ്. ഇന്നലെ വൈകിട്ട് യുവതിയുടെ മൊഴി മജിസ്‌ട്രേറ്റിന് മുന്നില്‍ രേഖപ്പെടുത്തി.

NO COMMENTS