കൊച്ചി : കൊച്ചി മെട്രോയ്ക്കെതിരെ പരാതിയുമായി പോലീസ് അസോസിയേഷന്. മെട്രോയില് പോലീസുകാര് ടിക്കറ്റെടുക്കാതെ യാത്ര നടത്തിയെന്ന ആരോപണത്തെ തുടര്ന്നാണ് കേരള പോലീസ് അസോസിയേഷന് പരാതിയുമായി രംഗത്തെത്തിയത്.
പോലീസുകാര് ടിക്കറ്റെടുക്കാതെ യാത്ര നടത്തിയെന്ന ആരോപണങ്ങള് തെറ്റാണ്. വിവിധ സ്റ്റേഷനുകളില് ഡ്യൂട്ടിക്കു നിയോഗിച്ച പോലീസുകാര്ക്ക് ആ സ്റ്റേഷനുകളിലെത്താന് മെട്രോയല്ലാതെ മറ്റു മാര്ഗങ്ങളില്ല,അതിനാലാണ് മെട്രോയില് യാത്ര ചെയ്തതെന്നും, ഇക്കാര്യത്തില് വസ്തുതകള് പരിശോധിക്കാതെ മെട്രോ അധികൃതര് പരാതി നല്കിയതിനാല് ഇതിനെതിരേ മുഖ്യമന്ത്രിക്കു പരാതി നല്കുമെന്നും പോലീസ് അസോസിയേഷന് അറിയിച്ചു.