കൊച്ചി • കൊച്ചി-ധനുഷ്കോടി ദേശീയപാതയില്‍ കല്ലാര്‍ പാലത്തില്‍ വിള്ളല്‍ കണ്ടെത്തി. പുതിയ പാലത്തിനായുള്ള നിര്‍മാണം പുരോഗമിക്കുന്നതിനിടെയാണ് സംഭവം. പുതിയ പാലത്തിനായി മണ്ണെടുക്കുന്ന ജോലികള്‍ പുരോഗമിക്കുന്നതിനിടെയാണ് പഴയ പാലത്തിന്‍റെ അതിരുകളില്‍ നിന്ന് മണ്ണിടിഞ്ഞത്.
ഉച്ചയോടെ കണ്ടെയ്നര്‍ ലോറി കയറിയതോടെയാണ് വിള്ളലുണ്ടായത്. നാട്ടുകാര്‍ വിവരമറിച്ചതോെട പൊലീസ് സ്ഥലത്തെത്തി. പാലം വഴിയുള്ള മൂന്നാറിലേക്കുള്ള ഗതാഗതം പൊലീസ് നിരോധിച്ചു. പിഡബ്ല്യുഡി ഉദ്യോഗസ്ഥര്‍ സ്ഥലത്ത് പരിശോധന നടത്തുകയാണ്. മൂന്നാറിലേക്ക് പോകുന്നവരെ ആനച്ചാല്‍ വഴി തിരിച്ചുവിടാനാണ് തീരുമാനം.
