കൊച്ചി: ബാര്‍കോഴ കേസിലെ വിജിലന്‍സ് റിപ്പോര്‍ട്ട് ചോര്‍ന്നതില്‍ ഹൈക്കോടതിക്ക്‌ അതൃപ്തി. ഇതു സംബന്ധിച്ച് വിജിലന്‍സ് സ്വയം കേസെടുത്ത് അന്വേഷണം നടത്തുന്ന സാഹചര്യത്തില്‍ തുടര്‍ മാധ്യമ ചര്‍ച്ചകള്‍ നടത്തുന്നത് ഹൈക്കോടതി വിലക്കി. അന്വേഷണത്തിന്റെ ഉള്ളടക്കം പൊലീസ് പുറത്തുവിടരുതെന്നും നിര്‍ദേശിച്ചു. കഴിഞ്ഞ ദിവസം വിജിലന്‍ലസ് ബാര്‍കോഴ കേസിന്റെ അന്വേഷണ പുരോഗതി റിപ്പോര്‍ട്ട് സമര്‍പ്പിച്ച്. വിജിലന്‍സ് റിപ്പോര്‍ച്ച് മാധ്യമങ്ങള്‍ക്ക് ലഭിച്ചതിനെ തുടര്‍ന്ന് ഗവണ്‍മെന്റ് പ്‌ളീഡറെ വിളിച്ചു വരുത്തി കോടതി അതൃപ്തി അറിയിച്ചിരുന്നു.
