മുംബൈ : ‘മീ ടൂ’ വിവാദം ചൂടുപിടിക്കവെ വെളിപ്പെടുത്തലുമായി ഇന്ത്യന് ബാഡ്മിന്റണ് താരം ജ്വാല ഗുട്ടയും രംഗത്ത്. തനിക്ക് നേരിട്ട മാനസിക പീഡനത്തെ കുറിച്ചാണ് ജ്വാലയുടെ തുറന്നു പറച്ചില് നടത്തിയിരിക്കുന്നത്. മികച്ച പ്രകടനം നടത്തിയിട്ടും ദേശീയ ടീമില് നിന്ന് പുറത്താക്കപ്പെട്ടെന്നും 2006 മുതല് താന് ഈ മാനസിക പീഡനം നേരിട്ടുകൊണ്ടിരിക്കുകയാണെന്നും ജ്വാല വ്യക്തമാക്കി. റിയോ ഒളിന്പിക്സില് എന്റെ കൂടെ മികസഡ് ഡബിള്സ് കളിച്ച താരത്തെ വരെ ഭീഷണിപ്പെടുത്തി. അവസാനം എന്നെ ടീമില് നിന്ന് പുറത്താക്കുകയും ചെയ്തു- ജ്വാല പറയുന്നു. ട്വിറ്ററിലൂടെയാണ് ജ്വാലയുടെ വെളിപ്പെടുത്തല്. കായിക രംഗത്തുനിന്ന് വിട്ടുനില്ക്കാന് ഒരു കാരണമിതാണെന്നും ട്വീറ്റില് ജ്വാല ചൂണ്ടിക്കാട്ടുന്നു. അതേസമയം ഇതിന് പിന്നിലുള്ള വ്യക്തി ആരാണെന്ന് ജ്വാല വെളിപ്പെടുത്തിയിട്ടില്ല. അച്ഛനും അമ്മയ്ക്കും ഇയാളില് നിന്ന് ഭീഷണിയും പീഡനവും നേരിട്ടെന്നും ജ്വാല പറഞ്ഞു.