കോട്ടയം: അടിതെറ്റി വീണ് ആനയ്ക്കടിയില്‍പ്പെട്ട പാപ്പാന് ദാരുണ അന്ത്യം. ആലപ്പുഴ ചെന്നിത്തല തൃപ്പെരുത്തുറ പത്തേടത്ത് അരുണ്‍ (40) ആണു മരിച്ചത്.കോട്ടയം ഭാരത് ഗ്രൂപ്പിന്‍റെ ഉടമസ്ഥതയിലുള്ള ഭാരത് വിശ്വനാഥന്‍ എന്ന ആനയുടെ അടിയില്‍പ്പെട്ടാണ് ഒന്നാം പാപ്പാനായ അരുണ്‍ മരിച്ചത്.
ഞായറാഴ്ച രാവിലെ 9.30ന് കോട്ടയം കാരാപ്പുഴയിലെ പുരയിടത്തിലായിരുന്നു അപകടം. ആനയോടു കിടക്കാന്‍ പറഞ്ഞതും പാപ്പാന് നില്‍ക്കുന്ന വശത്തേക്ക് ആന കിടന്നു. മറുവശത്തേക്കു കിടക്കാന്‍ ആനയോട് പറയുന്നതിനിടെ അരുണ്‍ ആനയ്ക്കടിയിലേക്കു തെന്നി വീഴുകയായിരുന്നു. ഉടന്‍തന്നെ അരുണിനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
