അബുദാബി: ദുബൈയില്നിന്നും അബുദാബിയില് നിന്നും വിമാനങ്ങള് കേരളത്തിലേക്ക് പുറപ്പെട്ടു. അബൂദബിയില്നിന്നുള്ള വിമാനം കൊച്ചി നെടുമ്പാശേരി വിമാനത്താവളത്തിലും ദുബൈയില് നിന്നുള്ള വിമാനം കോഴിക്കോട് കരിപ്പൂര് വിമാനത്താവളത്തിലുമാണ് ഇറങ്ങുക.
അബുദാബിയില്നിന്ന് കൊച്ചിയിലേക്ക് 181 യാത്രക്കാരും ദുബായില് നിന്ന് കരിപ്പൂരേക്ക് 177 യാത്രക്കാരുമാണുള്ളത് .യാത്രക്കാരില് ആര്ക്കും കോവിഡ് ലക്ഷണങ്ങളില്ലെന്ന് അധികൃതര് വ്യക്തമാക്കി. ഇന്നു ഉച്ചയ്ക്കാണ് രണ്ടു വിമാനങ്ങള് യുഎഇയിലേക്ക് പുറപ്പെട്ടത്. രാത്രി 9.40ന് പ്രവാസികളുടെ ആദ്യ സംഘം കേരളത്തിലെത്തും.
അബുദാബിയില്നിന്നും കൊച്ചിയിലാണ് ആദ്യ സംഘം എത്തുന്നത്. ദുബായില്നിന്നുള്ള വിമാനം രാത്രി 10.40ന് കരിപ്പൂരിലെത്തും. പ്രവാസികളെ സ്വീകരിക്കാനുള്ള എല്ലാ ഒരുക്കങ്ങളും സംസ്ഥാനത്ത് പൂര്ത്തിയായി.