ന്യൂഡല്ഹി: പ്രധാനമന്ത്രി നരേന്ദ്രമോദി ദളിത് വിരുദ്ധനാണെന്ന് ഭീം ആര്മി നേതാവ് ചന്ദ്രശേഖര് ആസാദ്. ലോക്സഭ തെരഞ്ഞെടുപ്പില് മോദിക്കെതിരെ വാരണാസിയില് മല്സരിക്കുമെന്ന് അറിയിച്ചതിന് പിന്നാലെയാണ് ചന്ദ്രശേഖര് ആസാദിന്റെ ആരോപണം. ദളിത് വിരുദ്ധ ഭരണകൂടത്തെ ജനങ്ങള് അധികാരത്തില് നിന്ന് പുറത്താക്കണമെന്നും ആസാദ് ആവശ്യപ്പെട്ടു.
മോദിയെ തോല്പിക്കാന് ജനങ്ങളുടെ സഹായം വേണമെന്നും മോദി ദളിത് വിരുദ്ധനായതിനാലാണ് താന് അദ്ദേഹത്തിനെതിരെ മത്സരിക്കുന്നതെന്നും ആസാദ് പറഞ്ഞു. ജനാധിപത്യത്തില് ജനങ്ങള്ക്കാണ് ഏറ്റവും ശക്തയെന്ന കാര്യം മോദിയെ മനസിലാക്കി കൊടുക്കണമെന്നും അദ്ദേഹം ആഹ്വാനം ചെയ്തു.