ചാലക്കുടി : നിര്‍ത്തിയിട്ടിരുന്ന ലോറിക്ക് പിന്നില്‍ കാറിടിച്ച്‌ രണ്ടു വിദ്യാര്‍ത്ഥികള്‍ക്ക് ദാരുണാന്ത്യം. രാജഗിരി കോളജിലെ എംബിഎ വിദ്യാര്‍ത്ഥികളായ കോട്ടയം വട്ടുകുളം സ്വദേശി വല്ലാട്ട് പിമല്‍ സെബാസ്റ്റ്യന്‍ (21), കോട്ടയം നെടുങ്കുന്നം തെങ്ങുമൂട്ടില്‍ ക്രിസ്റ്റി മാത്യു ഫിലിപ്പ് (24) എന്നിവരാണ് മരിച്ചത്. ഗുരുതരമായി പരിക്കേറ്റ ചെങ്ങന്നൂര്‍ ആഞ്ഞിലിചുവട് തെങ്ങുംതറയില്‍ ബ്ലെയ്സണ്‍ പി. വര്‍ഗീസ് (26), പൂവത്തുശേരി പാറക്കടവ് ഇരിന്പന്‍ ജോഫി മാത്യു (24) എന്നിവരെ കാക്കനാട് രാജഗിരി ആശുപത്രിയില്‍ പ്രവേശിപ്പിച്ചു. പരിക്കേറ്റ ബ്ലെയ്സണ്‍ പി. വര്‍ഗീസിന്‍റെ നില അതീവഗുരുതരമാണ്.
