പഴയങ്ങാടി (കണ്ണൂര്‍): ആലപ്പുഴയില്‍ ഹൗസ് ബോട്ടില്‍ സുഹൃത്തുക്കളോടൊപ്പം ഉല്ലാസയാത്ര നടത്തുന്നതിനിടെ വേന്പനാട്ടുകായലില്‍ വീണ് വാടിക്കല്‍ സ്വദേശിയായ മൈലാഞ്ചിക്കല്‍ ജുനൈദ് അഹമ്മദ് (23) മരിച്ചു. പഴയങ്ങാടി സ്വദേശി കെ.വി. നൂറുദ്ദിന്‍- മാടായി വാടിക്കലിലെ മൈലാഞ്ചിക്കല്‍ സൗദ ദന്പതികളുടെ മകനാണ്.
സഹോദരങ്ങള്‍: ജംഷാദ്, ഇര്‍ഷാദ്, ആയിഷ.കണ്ണൂര്‍സ്വദേശികളായ 13 അംഗസംഘത്തിനൊപ്പം ആലപ്പുഴയില്‍ ഉല്ലാസയാത്രയ്ക്കെത്തിയതായിരുന്നു ജുനൈദ്. ഹൗസ്ബോട്ടില്‍ നിന്ന് കാല്‍വഴുതി വീണതാണെന്നാണ് പോലീസിന്‍റെ നിഗമനം.ആലപ്പുഴ നോര്‍ത്ത് പോലീസ് മേല്‍നടപടികള്‍ പൂര്‍ത്തിയാക്കി. മൃതദേഹം പോസ്റ്റ്മോര്‍ട്ടത്തിനുശേഷം ബന്ധുക്കള്‍ക്ക് വിട്ടുകൊടുത്തു. മൃതദേഹം ഇന്നലെ രാത്രിയോടെ നാട്ടിലെത്തിച്ച്‌ മാട്ടൂല്‍നോര്‍ത്ത് മുസക്കാന്‍ പള്ളി കബര്‍സ്ഥാനില്‍ കബറടക്കി.
