ചാരുംമൂട് : ആലപ്പുഴ വെട്ടിയാറിൽ ബൈക്ക് ടിപ്പറിൽ ഇടിച്ച് യുവാവ് മരിച്ചു.നൂറനാട് ഇടപ്പോൺ പാറ്റൂർ കൊന്നപ്പുളിക്കൽ പരേതനായ മണിയന്റെ മകൻ രാഹുൽ (33 )ആണ് മരിച്ചത്. ബുധനാഴ്ച രാത്രി ഏഴിന് പന്തളം – മാവേലിക്കര റോഡിൽ വെട്ടിയാർ കളത്തട്ട് ജംഗ്ഷന് സമീപമായിരുന്നു അപകടം. രാഹുലിന്റെ ബൈക്കിൽ മറ്റൊരു ബൈക്ക് ഇടിച്ചതാണ് അപകടത്തിനു കാരണമായത്. ഇടിയുടെ ആഘാതത്തിൽ നിയന്ത്രണം നഷ്ടപ്പെട്ട രാഹുലിന്റെ ബൈക്ക് എതിരെ വന്ന ടിപ്പറിൽ ഇടിക്കുകയായിരുന്നു.