തൂത്തുക്കുടി : തൂത്തുക്കുടിയിൽ സ്റ്റെർലൈറ്റ് പ്ലാന്റിനെതിരെ നടക്കുന്ന പ്രതിഷേധത്തിനിടെ രണ്ട് പോലീസുകാർക്ക് വെട്ടേറ്റു. പോലീസ് വെടിവയ്പ്പിൽ പ്രേതിഷേധക്കാർ കൊല്ലപ്പെട്ട സാഹചര്യത്തിൽ സ്ഥലത്ത് സംഘർഷാവസ്ഥ തുടരുകയാണ്. കൊല്ലപ്പെട്ടവരുടെ മൃതദേഹം ഏറ്റെടുക്കില്ലെന്നും ചൂണ്ടിക്കാട്ടി ആശുപത്രിയുടെ മുൻപിലും വൻ പ്രതിഷേധമാണ് അരങ്ങേറുന്നത്.
ചൊവ്വാഴ്ച പോലീസ് സമരക്കാർക്ക് നേരെ നടത്തിയ വെടിവയ്പ്പിൽ 11 പേരാണ് മരിച്ചത്. അതേസമയം വേദാന്ത സ്റ്റെർലൈറ്റിലേക്കുള്ള വൈദ്യുതി വിച്ഛേദിക്കാൻ തമിഴ്നാട് മലിനീകരണ നിയന്ത്രണ ബോർഡിന്റെ നിർദേശം നൽകി. ജില്ലാ കളക്ടർക്കാണ് നിർദേശം നൽകിയിരിക്കുന്നത്.
