തിരുവനന്തപുരം: സ്വകാര്യ ലിമിറ്റഡ് സ്റ്റോപ്പ് ബസുകളുടെ റണ്ണിംഗ് ടൈം കുറച്ചു. സ്വകാര്യ ബസുകള്‍ക്ക് അനുവദിച്ച റണ്ണിംഗ് ടൈം പുതിയ സമയം കെഎസ്‌ആര്‍ടിസി ഫാസ്റ്റ് പാസഞ്ചര്‍ ബസുകളെക്കാള്‍ കുറവാണ്. കെഎസ്‌ആര്‍ടിസിക്കു തിരിച്ചടിയാവുന്ന തീരുമാനമാണിത്. സ്വകാര്യബസുകള്‍ക്ക് ഒരു കിലോമീറ്ററിന് മുക്കാല്‍ മിനിറ്റാണ് അനുവദിച്ചിരിക്കുന്നത്. കെഎസ്‌ആര്‍ടിസിക്കു രണ്ടുമിനിറ്റും. തീരുമാനം പിന്‍വലിക്കണമെന്ന് ആവശ്യപ്പെട്ട് കെഎസ്‌ആര്‍ടിസി എംഡി സര്‍ക്കാരിന് കത്തു നല്‍കിയിട്ടുണ്ട്.
